Click to set custom HTML
愛迪生喺美國俄亥俄州(Ohio)米蘭鎮出世;爸爸係森姆.奧丹.愛迪生(Samuel Ogden Edison,1804–1896),之前喺加拿大搞飲食開飯店,後來因為加入革命軍而俾人通輯,於是走去美國米蘭鎮,轉搞木材生意;至於愛迪生嘅媽媽蘭茜.瑪菲斯.伊利沃(Nancy Matthews Elliott,1810–1871)喺加拿大做過小學教師,後來嫁咗之後就冇再教書,做個全職嘅住家婦人。而愛迪生就係佢哋嘅第七個仔。
每事問嘅愛迪生 四歲時嘅愛迪生 愛迪生細個時候啲人會叫佢做艾爾;佢個頭望落都幾大,而且成日都有好多問題去問啲大人,好似佢會問:「點解蘋果有紅色有綠色?」、「點解一加一會係二?」、「咁兩嚿泥加埋即係幾多?」、「點解蜜蜂嘅屋企同我屋企唔一樣?」、「點解人天生冇翼唔識飛?」……等一大堆好難答嘅問題,搞到啲大人好多時都口啞啞唔識答佢;當佢知道家禽要保溫嚟孵蛋,竟然三更半夜一個人走入穀倉,坐喺堆禾草上面孵蛋,於是除咗佢父母之外,其他人都覺得佢個頭腦有問題。
佢覺得火呢樣嘢好神奇,於是有一次向老豆間木廠嘅工友問長問短,不過得唔到答案,於是自己暱埋喺貨倉嘅一角點火,想研究一吓火係點樣燃燒,點知一發不可收拾,差啲燒晒成個貨倉。
後來佢同屋企人喺1854年搬咗屋去密茲根州(Michigan)嘅波特蘭居住;第一次返學,佢就一直問嘢,問到個神父班主任發晒脾氣,卒之三個月後頂唔順向愛迪生嘅父母提出唔再教佢;好彩媽咪蘭茜曾經教過書,於是好嬲咁同學校講話要退學,決定自己做老師,教個仔學知識同埋畀佢自修。
資料來源:維基百科,自由的百科全書
每事問嘅愛迪生 四歲時嘅愛迪生 愛迪生細個時候啲人會叫佢做艾爾;佢個頭望落都幾大,而且成日都有好多問題去問啲大人,好似佢會問:「點解蘋果有紅色有綠色?」、「點解一加一會係二?」、「咁兩嚿泥加埋即係幾多?」、「點解蜜蜂嘅屋企同我屋企唔一樣?」、「點解人天生冇翼唔識飛?」……等一大堆好難答嘅問題,搞到啲大人好多時都口啞啞唔識答佢;當佢知道家禽要保溫嚟孵蛋,竟然三更半夜一個人走入穀倉,坐喺堆禾草上面孵蛋,於是除咗佢父母之外,其他人都覺得佢個頭腦有問題。
佢覺得火呢樣嘢好神奇,於是有一次向老豆間木廠嘅工友問長問短,不過得唔到答案,於是自己暱埋喺貨倉嘅一角點火,想研究一吓火係點樣燃燒,點知一發不可收拾,差啲燒晒成個貨倉。
後來佢同屋企人喺1854年搬咗屋去密茲根州(Michigan)嘅波特蘭居住;第一次返學,佢就一直問嘢,問到個神父班主任發晒脾氣,卒之三個月後頂唔順向愛迪生嘅父母提出唔再教佢;好彩媽咪蘭茜曾經教過書,於是好嬲咁同學校講話要退學,決定自己做老師,教個仔學知識同埋畀佢自修。
資料來源:維基百科,自由的百科全書